გამოწერის პირობები

1. ზოგადი დებულებები

ეს პირობები არეგულირებს ურთიერთობას ინდივიდუალურ მეწარმე ირაკლი ქირიასა, რომელიც საქმიანობს ბრენდით WebWorks, და კლიენტს შორის, რომელიც გამოწერით იღებს მზა ვებგვერდს.

ამ პირობებში:

• „WebWorks“ ან „ჩვენ“ - ინდივიდუალური მეწარმე ირაკლი ქირია, ბრენდი WebWorks;
• „კლიენტი“ - ფიზიკური ან იურიდიული პირი, რომელიც საიტს გამოწერით იღებს;
• „საიტი“ - მზა ვებგვერდი, რომელსაც კლიენტი გამოწერით იღებს.

საიტის გამოწერით, პირველი გადახდით ან წერილობითი თანხმობით (მათ შორის ელ.ფოსტით ან WhatsApp-ით) კლიენტი ადასტურებს, რომ გაეცნო და ეთანხმება ამ პირობებს.

2. მომსახურების აღწერა

WebWorks კლიენტს აძლევს სარგებლობის უფლებას მზა საიტზე, რომელიც მორგებულია კლიენტის ბრენდსა და კონტენტზე. გამოწერის ფასში შედის:

• საიტის მორგება კლიენტის ლოგოზე, ფერებსა და კონტენტზე
• ჰოსტინგი და SSL სერტიფიკატი
• კლიენტის დომენის მიერთება
• სისტემის განახლებები და სარეზერვო ასლები
• ტექნიკური მხარდაჭერა სამუშაო დღეებში, 10:00-19:00

3. საკუთრების უფლება

საიტი, მისი კოდი, დიზაინი და ფუნქციონალი რჩება WebWorks-ის საკუთრებაში. კლიენტი იღებს მხოლოდ სარგებლობის უფლებას გამოწერის მოქმედების პერიოდში და საიტი მის საკუთრებაში არ გადადის.

კლიენტის მიერ მოწოდებული კონტენტი - ლოგო, ტექსტები, ფოტოები, პროდუქტებისა და სერვისების მონაცემები - რჩება კლიენტის საკუთრებაში.

4. ფასი და გადახდა

• ყოველთვიური გამოწერის საფასური დამოკიდებულია შერჩეულ საიტსა და ფუნქციონალზე და ფიქსირდება კლიენტთან შეთანხმებულ შეთავაზებასა და ინვოისში.
• პირველი გადახდის დღე ითვლება გამოწერის დაწყების თარიღად. ყოველი შემდეგი გადახდა ხორციელდება წინა გადახდიდან 30 დღეში.
• ინვოისს კლიენტს ვუგზავნით გადახდის თარიღამდე არანაკლებ 3 დღით ადრე.
• წლიური წინასწარი გადახდისას კლიენტი იხდის 10 თვის საფასურს და იღებს 12 თვის მომსახურებას (2 თვე უფასოდ).
• საიტის საწყისი მორგება (ლოგო, ფერები, კონტენტის განთავსება, დომენის მიერთება) შედის ყოველთვიურ ფასში და ცალკე საფასური არ არის.
• სტანდარტული მორგების მიღმა დამატებითი სამუშაოები (ახალი ფუნქციონალი, ინდივიდუალური გვერდები) ფასდება ცალკე, კლიენტთან წინასწარი შეთანხმებით.

5. ვადა, გაუქმება და გათიშვა

• გამოწერის მინიმალური ვადაა 1 თვე.
• გამოწერა ავტომატურად გრძელდება ყოველ 30 დღეში, სანამ კლიენტი არ გააუქმებს მას.
• კლიენტს შეუძლია გამოწერის გაუქმება ნებისმიერ დროს, მომდევნო გადახდის თარიღამდე არანაკლებ 3 დღით ადრე, ელ.ფოსტით ან WhatsApp-ით გაგზავნილი შეტყობინებით. საიტი აგრძელებს მუშაობას გადახდილი პერიოდის ბოლომდე.
• ყოველთვიური გამოწერის გადახდილი თანხა არ ბრუნდება.
• წლიური წინასწარი გადახდის გაუქმებისას კლიენტს უბრუნდება გამოუყენებელი თანხა. გამოყენებული თვეები ამ შემთხვევაში ითვლება სრული ყოველთვიური ფასით, ფასდაკლების გარეშე.
• თუ გადახდა არ განხორციელდა გადახდის თარიღიდან 3 დღის განმავლობაში, WebWorks უფლებამოსილია დროებით შეაჩეროს საიტის მუშაობა.
• გადახდილი პერიოდის დასრულებიდან (გაუქმების ან გადაუხდელობის გამო) 3 დღის განმავლობაში საიტი ითიშება.
• გათიშვიდან 30 დღის განმავლობაში გადახდის შემთხვევაში საიტი აღდგება სრულად, გადახდიდან 24 საათში.
• თუ გათიშვიდან 30 დღის განმავლობაში გადახდა არ განხორციელდა, გამოწერა უქმდება, ხოლო საიტი და მისი მონაცემები სამუდამოდ იშლება. კლიენტს ვურჩევთ, საკუთარი კონტენტის ასლი წინასწარ შეინახოს.

6. კონტენტი

კლიენტი პასუხისმგებელია საიტზე განთავსებული კონტენტის კანონიერებაზე და იმაზე, რომ ის არ არღვევს მესამე პირების უფლებებს.

7. დომენი

დომენი რეგისტრირდება კლიენტის სახელზე და რჩება მის საკუთრებაში. დომენის რეგისტრაციისა და განახლების ხარჯი არ შედის გამოწერის ფასში და მას კლიენტი იხდის. საჭიროების შემთხვევაში დაგეხმარებით დომენის რეგისტრაციაში.

8. პასუხისმგებლობა

• WebWorks უზრუნველყოფს საიტის სტაბილურ მუშაობას, თუმცა არ არის პასუხისმგებელი ჰოსტინგ-პროვაიდერის ან მესამე მხარის სერვისების გამართულობაზე.
• WebWorks არ არის პასუხისმგებელი კლიენტის ბიზნესის შედეგებზე, მათ შორის გაყიდვებსა და შემოსავალზე.
• დაგეგმილი ტექნიკური სამუშაოების შესახებ კლიენტი ინფორმირდება 24 საათით ადრე. გადაუდებელი უსაფრთხოების სამუშაოები შეიძლება ჩატარდეს წინასწარი შეტყობინების გარეშე.

9. პირობების ცვლილება

• WebWorks უფლებამოსილია შეცვალოს ეს პირობები. ცვლილებების შესახებ კლიენტს ეცნობება ელ.ფოსტით ან WhatsApp-ით, ძალაში შესვლამდე არანაკლებ 14 დღით ადრე.
• ყოველთვიური ფასის ცვლილების შესახებ კლიენტს ეცნობება არანაკლებ 30 დღით ადრე.
• თუ კლიენტი არ ეთანხმება ცვლილებას, მას შეუძლია გამოწერის გაუქმება ცვლილების ძალაში შესვლამდე.
• წლიური წინასწარი გადახდის შემთხვევაში ფასი უცვლელი რჩება გადახდილი პერიოდის ბოლომდე.

10. საკონტაქტო ინფორმაცია

ინდივიდუალური მეწარმე ირაკლი ქირია (WebWorks)

ელ.ფოსტა: info@webworks.ge

ტელეფონი / WhatsApp: (+995) 558 82 11 82